بسم الله الرحمن الرحيم
السلام عليكم ورحمة الله وبركاته
جات شابة في عز شبابها عمرها من 20 - 27 سنة تقريبا
والبنت ما شاء الله باهرة في الجمااااال جمالها لا يوصف وأنا أسمع القصة أطالع فيها وأكحل بها عيني
جات ووقتها أنا في الحرم مداوم
وقت صلاة التراويح جات وهي تبكي ومعها ولد عمره تقريبا 6 - 8 سنوات
قالت لو سمحت يا أخوية دور لي مكان
قلت لها يا أختي الحرم كبير أقعدي في أي مكان
قالت ما أقدر أقعد في أي مكان لو سمحت دور لي مكان بارد
قلت لها طيب ومن عيوني
قالت تسلم عيونك يا أخوية
قلت الله يسلمك ويحفظك
المهم دورت لها مكان وقعدت وبدأت تدعي لي
بعدين قبل ما تبدأ صلاة التراويح قالت لو سمحت لا تخرج لأني أبغاك في هرجة
قلت ما في أي مشكلة
المهم بعد التراويح
رحت لها
قالت ممكن تسمع قصتي و تتقبل نصيحتي وتوصل القصة لأكبر عدد ممكن؟؟
قلت لها هاتي القصة و ح أتقبل النصيحة إن شاء الله وأوصل القصة إن شاء الله
قالت الله يجزاك خير
وبدأت في سرد القصة
وهي كالتالي:
تقول: كنا في سيارة عائلية جمس والعائلة كلها قاعدة في السيارة وكنا مسرعين وماسكين خط سريع وصار علينا حادث وأنقلبت السيارة وما بقي في السيارة إلا أنا وهذا الولد
قلت لها موب ولدك؟؟
قالت لأ
أنا قلبي أتقطع تقطييييييييع
ووقتها الولد جايب كاسة موية قال يا خالتي تفضلي الكاسة
تقول أتنومت في المستشفى لمدة أسبوعين في العناية المركزة
وسووا لي عملية تغيير العمود الفقري
وركبوا لي بلاستيك - اصطناعي -.
وغيروا لي العمود الفقري مرتين وهادي التالتة
( راحت وراح شبابها مع الحادث الأليم )
تقول: الله يرضى عليكم إنتوا في عز شبابكم لا تسرعوا وخاصة إذا كانوا أهاليكم معاكم
ولا تسرعوا وإنتوا لوحدكم عشان لا قدر الله يصير شي والا شي أهلكم ح يتعذبوا
موضوع: قصة واقعية بعنوان : لو سمحتوا لا تسرعوا